لاتشتكي للناس ولو كنت مطعون.

أضحك وفلّ حجاجك اشفيك محزون . . . دنياك ماتسوى وخذها نصيحــــــــــه

مادام مالك ميت ولا انت مديــــــون . . . أرم الهموم وخل نفسك مريحـــــــه

لو كانوا اصحابك يضاهون مليــون . . . نق الكفو منهم وخل السطيحـــــــــــه

ولا تشتكي للناس لوكنت مطعــــون . . . والذم من بعض الخلايق مديحـــــه

ولا تنحني للهم وتعيش مغبــــــــون . . . ترا المريح اهل العقول الصحيحـــــه

لاصرت صادق قالوا الناس مجنون . . . مايمدحون الا النفوس القبيحــــــــــه

وخلك صمود بوجه الأيام دنـــــدون . . وما حرم الله آثم لا تستبيحـــــــــــــه

والكبر لو به فايده فاد فرعــــــــون . . . ومن ذاع سرّه بشّره بالفضيحــــــــه

والله لو يعطون لك مال قـــــــارون . . . ماشفت نفسك بالغنى مستريحـــــه

أنفض هموم القلب وابليس ملعون . . . وأن ضاق صدرك ارض ربي فسيحه